თქვენი ბავშვისთვის ველოსიპედის ტარების სწავლება არის ცხოვრებაში ერთ-ერთი ყველაზე სახალისო რამ. თქვენ ხედავთ თუ როგორ ივითარებს ბავშვი ბევრ მნიშვნელოვან უნარს, როგორიცაა: წონასწორობის შენარჩუნება, გადაწყვეტილების სწრაფად მიღება და გამბედაობა. ველოსიპედის ტარება რთულია, ამას ვერავინ შეცვლის, მაგრამ თქვენ შეიძლიათ მათ მხარი შეუწყოთ და დატკბეთ ბავშვის სიხარულით, როცა ის მარტო შეძლებს ველოსიპედით გავლას. არსებობს რამდენიმე გზა იმისთვის, რომ თქვენს პატარას გაუადვილოთ ველოსიპედის ტარება, ორი ყველაზე გავრცელებული ვარიანტია დამატებითი ბორბლების დამაგრება ან ბალანს ბაიკი. მომდევნო პარაგრაფებში განვიხილავთ თითოეულის დადებით და უარყოფით მხარეებს.
*აღსანიშნავია, რომ ბავშვს ნებისმიერი ველოსიპედის ტარებისას უნდა ეკეთოს ჩაფხუტი.
ბორბლებზე წონასწორობის შენარჩუნება
როცა თქვენს შვილს ველოსიპედს აჩუქებთ, მათი პირველი ინსტინქტი იქნება, რომ მას მოახტნენ და გატარება სცადონ. ამისთვის, ერთი შეხედვით, საუკეთესო ვარიანტია ველოსიპედი დამატებით ბორბლებით, რადგან მასზე წონასწორობის შენარჩუნება ძალიან ადვილია, მაგრამ ისინი მოძრაობაში შეზღუდულები არიან, პატარა ბავშვისთვის პედალების ხმარება შედარებით რთულია, ამიტომ ასეთმა ველოსიპედმა შეიძლება უფრო მეტად შეაფერხოს სწავლის პროცესი, ვიდრე მას ხელი შეუწყოს.
ბალანს ბაიკის, როგორიცაა Specialized Hot Walk, უპირატესობა კი ისაა, რომ ბავშვს აქვს შესაძლებლობა ისწავლოს წონასწორობის შენარჩუნება ისე, რომ პედალები მას ფეხებს არ ატკენენ.
ცუდ გზაზე სიარული
ველოსიპედს, რომელსაც აქვს დამატებითი ბორბლები, არ შეუძლია ცუს გზაზე გადასვლა, მისი ტარება მხოლოდ ბრტყელ და მყარ გზაზეა შესაძლებელი, ხოლო ბალანს ბაიკით ყველგან შეიძლება გავლა, ეზოში, ბალახზე, მიწაზე და აღმართებზეც კი.
ბალანს ბაიკის კიდევ ერთი უპირატესობა ისაა, რომ თუ თქვენ ცხოვრობთ ისეთ ადგილას, სადაც ბევრი აღმართია, ბავშვნი არ დაიტანჯება რადგან მას არ მოუწევს აღმართში პედლების ტრიალი ველოსიპედზე, რომელიც მისი წონის ნახევარია. მაგალითად, Specialized Hot Walk-ი სულ რაღაც 3 კილოგრამს იწონის. რაც ბავშვს მისცემს საშუალებას აღმართები ისე აიაროს, როგორც ამას ჩვეულებრივად სიარულისას. ბალანს ბაიკით სიარულით ბავშვი უფრო კარგ ფიზიკურ ფორმაში ჩადგება და თავის დროზე ჩვეულებრივ ველოსიპედზე გადაჯდომა არ გაუჭირდება.
დამოუკიდებლობა
ბევრ ადამიანს არ ესმის ბალანს ბაიკის აზრი, ველოსიპედი პედლების გარეშე - რა აზრი აქვს? თუ თქვენ გარეთ გახვალთ და შეხედავთ თუ როგორ დადიან ბავშვები დამატებითი ბორბლებით, ნახავთ, რომ ბავშვს მოსახვევად ხშირად სჭირდება მშობლის დახმარება, ხოლო ბალანს ბაიკზე ბავშვი უპრობლემოდ შეძლებს მოხვევას ან ველოსიპედის თავისით შემოტრიალებას. ბალანს ბაიკზე თქვენი პატარა იქნება დამოუკიდებელი, მას არ დასჭირდება მშობლის დახმარება პრიმიტიული მანევრების შესასრულებლად, დამოუკიდებლად გადაწყვეტილების მიღების უნარის ქონა კი ბავშვისთვის ძალიან მნიშვნელოვანია.
ბალანს ბაიკიდან ჩვეულებრივ ველოსიპედზე გადაჯდომა უფრო ადვილია.
ბალანს ბაიკიდან ჩვეულებრივ ველოსიპედზე გადაჯდომა უფრო ბუნებრივი ცვლილება იქნება ბავშვისთვის, ვიდრე დამატებითი ბორბლებიანი ველოსიპედიდან ჩვეულებრივზე გადაჯდომა, რადგან ბალანს ბაიკიზე სიარულით ვითარდება წონასწორობის შეგრძნება ორ ბორბალზე, ხოლო დამატებითი ბორბლებით სიარულით ბავშვი მხოლოდ პედლის ტრიალს სწავლობს და წონასწორობის შენარჩუნება უნდა ისწავლოს უფრო დიდ ველოსიპედზე, რაც ნიშნავს იმას, რომ დაცემა ბევრად უფრო მტკივნეული იქნება. ბალანს ბაიკზე ბავშვი სწავლობს დაცემისას ფეხით თავის დაჭერას, რაც იმას ნიშნავს, რომ ჩვეულებრივ ველოსიპედზე მათ მხოლოდ პედალების ტრიალი უნდა ისწავლონ.
