MPLUS • ჩვენი გუნდი

დავით ჭიჭინაძე, CEO

დავითი ჩვენს გუნდს 2022 წელს შეუერთდა. მას განვითარების და თანამშრომლობის სფეროში 20 წელზე მეტი გამოცდილება აქვს, მუშაობდა კლიმატის ცვლილების, კატასტროფების რისკის შემცირებისა და ტყის პროექტებზე. ახალი გამოწვევების ძიებაში მან გადაწყვიტა საკუთარი თავი კერძო სექტორში გამოეცადა. დავითი აქტიური ველოსპორტისა და სკიტურის ენთუზიასტია. მპლუსში-ში საქმიანობის პარალელურად, იგი ასევე მართავს ალტიჰატს, პირველ ევროპული ტიპის სამთო თავშესაფარს კავკასიონზე.

დავით კალმო, მაღაზიის მენეჯერი

ყოფილი კალათბურთელი და წარმატებული მწვრთნელი, რომელიც ასევე გატაცებულია ველოსპორტითა და თხილამურებით. მისი Strava-ს პროფილის გადახედვაც კი ცხადყოფს, რომ საქართველოში ყველაზე მეტი ვერტიკალური მეტრი აქვს დაგროვილი და მსოფლიოში საუკეთესო 100 ათლეტს შორისაა. იგი ჩვენს გუნდს 2020 წელს შეუერთდა და როცა ველოსპორტით ან თხილამურებით არ არის დაკავებული, დაუღალავად ზრუნავს იმაზე, რომ მაღაზია იდეალურად მუშაობდეს.

მაია ქავთარაძე - მაღაზიის მენეჯერის ასისტენტი

მაია მპლუსის გუნდის ყველაზე ხანგრძლივად მომუშავე წევრია. ის ბიზნესის ყველა დეტალს სრულყოფილად იცნობს და გუნდის ნამდვილი „დედაა“. როდესაც მაია ადგილზეა, ვიცით, რომ ყველაფერი კონტროლის ქვეშაა.

ნიკოლოზ მდივანი, გაქირავების მენეჯერი, კონსულტანტი

შრომისმოყვარე, სანდო და ძალიან გამოცდილი გუნდის წევრი. მიუხედავად იმისა, რომ მას ასევე უყვარს ველოსპორტი და ლაშქრობა, მისი ნამდვილი გატაცება მოდელური რკინიგზებია. თავისუფალ დროს, ხშირად სწორედ თავის ახალ პროექტზე მუშაობს. ზამთრის სეზონზე ის ხელმძღვანელობს ჩვენ გაქირავებას, ხოლო წლის დანარჩენ პერიოდში გუნდს მაღაზიაში ეხმარება.

დადუ თედორაძე — კონსულტანტი

ფიზიკურად წარმოუდგენლად ძლიერი ბევრი სპორტული მამაკაციც კი ვერ მიყვება მთაში, როდესაც მომდევნო მწვერვალისკენ მიიწევს. თუმცა ის ასევე ბუნებით ხელოვანია და როგორც სხვა შემოქმედებით პიროვნებას, მასაც ახასიათებს ემოციურობა და სენსიტიურობა. იგი შესანიშნავად იცნობს და უყვარს მაღაზიაში არსებული სალაშქრო და ალპინისტური აღჭურვილობა. პროდუქტის ინსტრუქციების მკაცრი დაცვის ნაცვლად, აღჭურვილობას საკუთარ მდიდარ სამთო გამოცდილებაზე დაყრდნობით ურჩევს მომხმარებელს.

ანა კეკუა, კონსულტანტი

ერთ დღეს ის პათანატომი გახდება და, ალბათ, მშვიდად იმუშავებს მორგში — ერთ-ერთ ყველაზე მშვიდ (ზოგისთვის მოსაწყენ) პროფესიაში, რაც კი შეიძლება წარმოვიდგინოთ. თუმცა სანამ სწავლას აგრძელებს, ჩვენს მაღაზიაში სრულიად ენერგიული და აქტიურია, სიამოვნებით ურჩევს მომხმარებლებს სალაშქრო აღჭურვილობას, განსაკუთრებით იმ ნივთებს, რომლებიც თავად უყვარს და იყენებს.

ანა ჭიჭინაძე, სოციალური მედიის მენეჯერი

ჩვენი გუნდის ყველაზე ახალგაზრდა წევრი. მრავალ ენაზე თავისუფლად საუბრობს და ყველაზე ხშირად სწორედ ის პასუხობს თქვენს შეტყობინებებს სოციალურ ქსელებში. თუ პასუხს მაშინვე ვერ მიიღებთ, გთხოვთ, ნუ განაწყენდებით, დიდი ალბათობით, ის მომხმარებლებს ემსახურება, რაც ბუნებრივად პრიორიტეტულია.

გიორგი არჩუაშვილი, თხილამურების სერვისი

ადამიანი, რომელსაც ყველაფრის შეკეთება შეუძლია. ზაფხულში ის 3 000 მ სიმაღლეზე მდებარე სამთო თავშესაფარში მენეჯერად მუშაობს, ხოლო ზამთარში ჩვენთანაა და ასერვისებს თხილამურებსა და სნოუბორდებს, ამონტაჟებს სამაგრებს და დიდი ენთუზიაზმით განიხილავს მომხმარებლებთან, ზუსტად რამდენ გრადუსზე უნდა იყოს გალესილი თხილამურის კანტები.

ლევან ჩიტიშვილი, ლაშქრობის გიდი

სერტიფიცირებული საფეხმავლო და ველოგიდი, რომელსაც უყვარს ენდურო მოტოციკლები და ქართული ტრადიციული ცეკვა. ზამთარში სნოუბორდის ინსტრუქტორად მუშაობს. როდესაც ლევანი ჯგუფთან ერთად არის, ვიცით, რომ ყველაფერი კარგად ჩაივლის. მას უყვარს ქვეყანა და სტუმრებს ყოველთვის შეუძლიათ იგრძნონ ეს სიყვარული მთელი ტურის განმავლობაში.

სანდრო ჩოფიკაშვილი, სათხილამურო გიდი

ზოგი ამბობს, რომ ის საქართველოს საუკეთესო მოთხილამურეა და ისინი არ ცდებიან. სანდრო მთელ ზამთარს მთიან აჭარასა და ბახმაროში ატარებს, სადაც ქეტსკიინგის ჯგუფებს უძღვება. ზაფხულში თხილამურებს სალაშქრო ფეხსაცმელზე ცვლის და იქცევა მხიარულ, მცოდნე და უკიდურესად პასუხისმგებელ საფეხმავლო გამყოლად, რომელიც ნებისმიერ ბილიკს ნამდვილ თავგადასავლად აქცევს.

ალექს მაჭარაშვილი, ველოგიდი

შეიძლება იესოს ჰგავდეს, მაგრამ, სამწუხაროდ, წყლის ღვინოდ გადაქცევა არ შეუძლია, სამაგიეროდ, შეუძლია დაუვიწყარ ველო თავგადასავალში წაგიყვანოთ. ერთ-ერთი პირველი სერტიფიცირებული ველოგიდი საქართველოში, ის მაღალკვალიფიციური პროფესიონალის გარდა, ნამდვილად გამორჩეული პიროვნებაცაა.

რეზი ჩხაიძე, ველოგიდი

მისი ნამდვილი გატაცება გრძელ დისტანციებზე ბაიქპექინგია. გრეველ ველოსიპედით მან მთელი ევროპა შემოიარა და ინდოეთამდეც კი ჩააღწია! ზაფხულში ძირითადად ჩვენს გრაველ ტურებს უძღვება, ხოლო როდესაც MTB ტური ჩნდება, სრულამორტიზიან ველოსიპედზე ნამდვილ მხეცად იქცევა და კავკასიონის ველობილიკებზე დაქრის.

პაატა ჭყონია, გიდი, ველოგიდი

ის ჩვენი გუნდის ყველაზე მრავალმხრივი გიდია და თანაბარი ოსტატობით უძღვება ველო, სალაშქრო თუ სათხილამურო ტურებს. შესანიშნავი მძღოლი და ყოფილი კულტურული გიდი, ის კარგად იცნობს იმ ადგილების ისტორიასა და კულტურას, სადაც სტუმრებს ატარებს, რაც ყველა ტურს როგორც თავგადასავლებით სავსეს, ასევე საინტერესოს ხდის.

ბექარ ფაჯიშვილი, სამთო გიდი

ბექარი ჩვენი წამყვანი სამთო გიდია. ის სერტიფიცირებული IFMGA გიდია და თავისუფალ დროს ექსტრიმის ნამდვილი მაძიებელი. ის ციცაბო დაშვების დიდი მოყვარულია და მეგობრებთან ერთად უშბის პირველი ქართული სათხილამურო დაშვება განახორციელა, მის ანგარიშზეა ასევე ორწვერის ჩრდილოეთ ფერდისა და ყაზბეგის სამხრეთ-აღმოსავლეთი ფერდის დაშვებები. გამორჩეული უნარების გარდა, იგი მშვიდი და კომუნიკაბელური ადამიანია, რომელიც თავის საქმეს ძალიან სერიოზულად ეკიდება.